Khwab bunte chale the, Khaak mein jaa mile the,
Bujhe hue se armaan kab,Phir se roshan hue the,
Tinke tinke se hausle, Zarron mein tut bikhre the,
Ret pe likhe khwab saare,Tufanon mein dube the..
Umar bhar lamhon ko, Amanat samajh batorte the,
Sab apna kehte rahe,Jo waqt hawale ho chuke the,
Waqt aaya to aakhir, Chaar kandhon pe chalte the,
6 gaz zameen mili akhir, Humto falak maangte the!
Ab na tu tera ikraar raha, Naa zindagi se koi aarzu baaqi rahaa,
Zakhm-e-sadmaa-e-dil samajhne waala hamdard saath na raha,
Kafan liye chale hain saath, Ab bas Mazar-e-deedar baaqi raha..
Aye Maula..
Lele in dhadkanon ko,Inmein jo koi hosh-e-justju baaqi na raha,
Ik tera zikr labon par, Bas tere dar pahunchne kaa aas baaqi raha..
Dil ko jabse tera khayaal aaya, Tabse isko qatre bhar qaraar na aaya,
Jabse zehen mein aks chhaya, Lamhon sang jahaan bhar simat aaya,
Kiye laakhon sawal, Har sawal pe hazaron sawaal na koi jawab aaya,
Na jane kaun saa rishta, Bandhe mujhe teri aur kheench le chala aaya..
Thodi-thodi si peeli maine,Aadhi-adhoori khwahishein jo dabi thi seene mein,
Nigaahon ke darmiyaan bas khamoshi thi,Saans lene tak ki bhi mohlat naa thi,
Zar-baft zulfon ne aaghosh mein jo liya, Qurb Aab-e-Kausar jee bhar pee liya,
Jee bhar sukoon behaya nigahon ko, Teri sharm-o-haya pighli nigahon ne diya..
Palkon ki chaaon tale, Tanhaa safar-e-hayaat ko aakhir rooh-e-manzil mil gaya,
Na koi lafz-shikwa, Na guftagu, Teri aahatein darmiyan khamoshi mita-ta raha,
Woh lazeez lamha..
Umar ki kitab mein, Bikhre waraqon ke darmiyan, Ek azeez waraq sa reh gaya!
Labon pe bikhre hazaron arman, Ankahe aur be-awaaz se sabhi farman,
Deedaar tera jo ittefaqan mil gaya, Ruk gayi jaise pal-bhar ke liye fizaa,
Hosh kho gaye meelon dur, Nazron mein aake jaise tham gayi sari sada,
Kuch bhi naa kaha-naa suna,Nigahon darmiyan reh gayi aarzuyein adaa..
Yun palat palkein jhapak-jhapak kar, Isharon se pilayi sari sharm-o-haya,
Halaq bhar gaya, Par phir bhi qurbat mein ek faasle bhar saa shikan raha,
Tu saamne mohabbat mein simti rahi,Ek lamhaa dastan-e-umar ban gaya..
Aadaton aur Lutfon ko tanhai ke andheron mein anjam doge,
Dil ko toh khush rakh paaoge, Rooh ko bhi sukoon de paoge,
Par kya aayine mein, Apne zameer se khud rubaru ho paoge?
Laghzishon mein jeene se behtar hai, Hawas ko qaabu kar lo,
Chaar din ki azeem zindagi ko, Is tarha se be-fizool na kar lo !
Rab ne sanwara nihayat adaaon se, Noor-e-aayaton sa roshan chehra tera,
Kuch badla sa irada hai dil ka, Ghula hai puri tarah se wajud mein ye tera..
Dekh kar us intehaayi haseen manzar mein, Dil puri tarah se tujh pe hara,
Deedar ne kiya kuch aisaa asar, Har zikr mein ubhartaa raha yun aks tera,
Nigahon ne tujhe nihara toh ye jana,Ishq se bhi haseen tera andaz-e-adaa..
Toot kar bikhar jaun khushbu ki tarah, Sama mein simat jaun rooh ki tarah,
Gardish-bhari see zindagi hai ab, Door ho jaun har kisi se hawaon ki tarah,
Tere qareeb yun thehar jaun,Khushboo saanson mein utar jaye itr ki tarhaa..
Ye bade ajeeb hote hain zindagi ke fasane, Insani jazbaat benaam se kitne anjaane,
Suroor alam mein aansu chalak padte hain, To gham chupane, Hansi odh lete hain!
Be-hijabaana jo tu rubaroo aa gayi, Ek jhalak mein hi dil be-panaah ho gaya,
Palkon tale hijaab mein ghuli jo nazar, Rukhsaar pe thehri hosh fana ho gaya,
Qatra qaraar naa raha dil ko,Tere husn-e-deedar mein ishq be-qaraar ho gaya!
Dar-ba-dar rengti jholi aas ki, Mannatein thee kayi, Magar khaali hee rahi,
Dehleej pe tere, Duayein bahut ki, Bikhri reh gayi arziyaan aadi adhoori si..
Daman bhar saji boondein os ki,Hichkiyon mein dabi khwahishein phir bhi,
Palkon mein chhupi, Anjaan karwatein kai,Surkhiyon ne kiya hijaab aaj bhi,
Lazeez aarzuyein, Jagayein raat bhar, Tanhaa-si meri ye mulaazim aashiqui,
Benam rishte si, Dor jo jud gayi, Baandh le chale teri aur jaaye tu jidhar bhi !
Na jane kaisa afsaana jud gaya aankhon ka, Bas tujhe niharne ka tarana mil gaya,
Sau-dafaa nazarein hatayi, Par har dafaa nazar churaane ka naya bahana mil gaya,
Khalish ko talab jo lagi teri kashish ki, Pur-asrar nigahon mein thikaana mil gaya,
Palkein pherne ka jo yun silsila shuru hua, Na din na raat na ye kissa khatam hua,
Deedar-e-aahat se be-qaraar in sanson ko, Siwaaye zikr ke naa kuch aur fikr raha !
Nigaahein mudke jo dekhin, Dil-e-haal behaal ho gaya,
Jo kal tak aabru mein tha, Teri jhalak se nadan ho gaya,
Jidhar bhi palat-ta hoon, Har simt tera aks thehar gaya..
Un reshmi zulfon ka, Baar-baar tere labon pe bikharnaa,
Naazuk ungliyon se, Unhein balon ke darmiyan sametna,
Manzar-e-kaifiyat kaa, Chashm-e-deed gawaah ban gaya,
Pal bhar mein, Hazaron khwahishon ka mulazim ho gaya!
Zuban se kuch nahin kehte ho, Harkaton se bahut kuch keh jate ho,
Ikhlaas ki ummeed lagaye rehte hain, Tum dil pe teer chala jaate ho !
Zarre zarre apnon ke liye, Bikhar gaya andar se tukdon mein yuhin !
Jiski ungli se haunsla bana tha,Jiske chaahte pe sona seekha tha,
Jiski aankhon mein zindagi mili thi,Kandhe sahare jeena seekha,
Jiske khoon-paseene se bana, Jiski chaun mein palaa bada main,
Beshumar daulat se badhkar mila, Jab Baba jeene ki wajah bana !
Zindagi ki god se chand haseen lamhe churaa lata hoon,
Har roz jeene ka ek nayaa bahana dhund bana leta hoon,
Ghamon ke shor mein sukoon bhare pal chun laata hoon,
Rahon ko manzil nahi, Jazba-e-safar samajh chalta hoon,
Yahin jee uth taa hoon, Yahin mukammal mar mit ta hoon !
Safar ko humsafar kar nikle the, Har kadam pe khwaab sajaa chale the,
Lamhon ko daastaan banakar, Har toofan ko hauslon se hara chale the !
Ek lafz kaafi hai zakhm ke liye, Aur ek marham banne ke liye,
Kuch na bolo labon se, Khaamoshi se sukoon qayam rehta hai,
Dil sheesha sa hai aakhir, Falak ki aahat se bhi bikhar jaata hai..
Kehne mein kya hai, Kehne wale bahut kuch keh chale jate hain,
Zara sunne waale ki aap-beeti socho, Aakhir us par kya guzregi..
Paudha jab nahin ugg raha ho, Sahi tareeqe se jad ka ilaaj kijiye,
Kulhaadi se kaatne se pehle, Ek baar nas pakad uska haal janiye..
Har shikayat ko ranj mat banao, Har khamoshi ko ilzaam mat do,
Shayad zakhm rubaru ho, Jahaan nazar-e-asar pahunchi hi nahin..
Parchhaai mein tum hi ho, Har shab mein bikhri ho,
Khamosh dhadkan mein,Be-naam rooh si thehri ho..
Lamhon mein guzri ho, Zarre-zarre mein simtee ho,
Meri har saans ke saath, Be-aawaaz see bandhee ho..
Andheron ki gehraiyon mein,Roshni si nazar aati ho,
Baarish kee har boond mein,Chupke sey utar aati ho..
Shamaa ke lau ki tarhaa, Noor-e-husn si mehakti ho,
Parwaane saa,Har shab chiraag-e-dil roshan karti ho..
Falak ke daayron mein, Anjaan sitaare si kho jaati ho,
Door hokar bhi, Pal-pal dhadkan see qareeb bajtee ho..
Rubaru nahin, Par har silwat nazar-e-ehsaas karati ho,
Tanhai ki karwat mein, Mohabbat-e-awaz si gunjti ho..
Na samne na paas, Phir bhi har mod ik tum hi tum ho,
Meri khamoshi ka alfaaz,Meri dhadkan kaa suroor ho..
Na ye taqdeer sirf tere hisse ki likhi hai, Na mere hisse ki,
Na tune use barabar se jaana, Na maine kabhi ise maana,
Phir kyun baa-umr gardish-e-zindagi ko yun koste rahein,
Jab rah mukammal sajanaa, Khud apne ikhtiyaar mein hai..
Samundar ke kinare baith,Lehron ko kosne se kya hasil,
Befizool pathar phenkne se, Nahi hua kabhi paar saahil,
Dariya paar karna ho,Utarna padta hai gehraaiyon mein,
Dubkiyan lagaane se hi to, Door kinara naseeb hota hai..
Taraqqi taqdeer se nahi, Mehnat-o-shiddat se miltee hai,
Bas isi soch se,Hausla humrah sa yun saath chala ata hai,
Jo haath lakeeron ko nahi, Apni raah sanwaarna seekh le,
Phir taqdeer ke aage jeetna bhi,Bada aasaan ho jaata hai !
https://youtu.be/4oUxRRIBZB8
Na ye taqdeer sirf tere hisse ki likhi hai, Na mere hisse ki,
Na tune use barabar se jaana, Na maine kabhi ise maana,
Phir kyun baa-umr gardish-e-zindagi ko yun koste rahein,
Jab rah mukammal sajanaa, Khud apne ikhtiyaar mein hai..
Samundar ke kinare baith,Lehron ko kosne se kya hasil,
Befizool pathar phenkne se, Nahi hua kabhi paar saahil,
Dariya paar karna ho,Utarna padta hai gehraaiyon mein,
Dubkiyan lagaane se hi to, Door kinara naseeb hota hai..
Taraqqi taqdeer se nahi, Mehnat-o-shiddat se miltee hai,
Bas isi soch se,Hausla humrah sa yun saath chala ata hai,
Jo haath lakeeron ko nahi, Apni raah sanwaarna seekh le,
Phir taqdeer ke aage jeetna bhi,Bada aasaan ho jaata hai !
https://youtube.com/shorts/zwcEDVAPlgo?feature=share
Haseen chehre ki taabindagi mein, Muskuraao tum yunhi sadaa,
Ronakh tasavvur-e-faqat se,Guzarte lamhaat hon sar-ba-sar fida,
Mukammal har dili-tamanna, Jayez masnun rahmati duayein ata,
Naseeb tamaam khushiyan,Barkat-e-gulzaaron se nawaze Khuda..
Khushiyon se mehka rahe daman, Har lamha rehmaton mein ubhra,
Naam-o-hunar ho duna-chauguna,Har qadam par mile tarakki sada,
Masnoon duaaon mein zikr-e-jazbaa,Labon par rahe shukr-e-khuda,
Raah-e-zindagi Rasm-e-jahaan mein, Wajood-e-sifat aabaad-o-hara..
Allah SWT se dua hai, Sada barkaton ke gulshan se nawaaze aapko,
Duniya ki har nek bulandi, Woh saare maqaam ataa karaaye aapko,
Chaahat se saje har khwab ko taabeer, Har dua ko mile qubooliyat,
Haqeeqat si naseeb ho jaye har dili-tamanna, Jo rab se ho chaaha,
Har arzu-e-hayat ho mukammal, Jaise khuda ne falak se ho utaara !
https://www.youtube.com/watch?v=l4d2OWVDya4
फ़र्ज़-ए-आज़ादी !
रात की तन्हाइयों में, तारों भरे आसमाँ में,
सुकूँ ओढ़े सन्नाटों में, उम्मीद के उजालों में,
इक सवाल आईना बन, मुझमें उभर आता है
मुल्क आज़ाद है, क्या मुझमें भी जागता है?
नानी के क़सीदों भरे जहाँ में हम पले थे,
नाना के कंधों पर बैठ मेले-जहाँ चले थे,
बाबा की गोद में ईमान का सबक़ मिला था,
माँ के ठंडे आँचल तले वही ख़्वाब बुना था।
दादी की कहानी में इक हिन्दोस्ताँ सुना था,
दादा के अमल में ईमान का नूर घुला था,
मज़हब चौखटों तक, दिलों में इख़्लास था,
सच किरदार था, और हर दर्द अपना था।
तब जाना—आज़ादी अपनी आवाज़ भर नहीं,
किसी ख़ामोशी की ज़ुबाँ बन जाना भी है,
अपने हिस्से का रिज़्क़ मिलना हक़ तो है,
किसी गिरती छत का सहारा बनना भी है।
वही जहाँ ढूँढ़ने, ख़्वाबों से कारवाँ भरे चले थे,
ज़िम्मेदारियों के पंख लगे, घर से निकल पड़े थे,
देहरी की मिट्टी चूमी तो माँ की आँख भर आई,
ख़ामोश होंठों से ही, उम्र भर की दौलत थमाई।|
भूखे की रोटी को मेहनत का मान मिले,
बेटी की बेख़ौफ़ उड़ान को पहचान मिले,
मज़लूम को आवाज़, बेबस को सहारा मिले,
हर दिल आज़ाद, आज़ादी को निगहबाँ मिले।
ईमान सलामत हो तो मुल्क का मान रहता है,
इख़्लास ज़िंदा हो तो दिल में इंसान बसता है,
अपने हक़ की ख़ातिर जीना तो आसान है,
औरों के इंसाफ़ का अलम उठाना ही किरदार है।
अपनों का वो जहाँ नक़्शों में नहीं तलाशता,
मंदिर-मस्जिद की दीवारों में ख़ुदा नहीं ढूँढ़ता,
किसी गिरते को मेरा हाथ अगर थाम ले,
बस उसी लम्हे में रूह को क़रार मिले।
माँ ने जन्म, वतन ने ज़ीस्त का मक़सद दिया,
एक ने आँचल, दूजे ने हौसलों को समंदर दिया,
कोई अपना आज, हमारे कल पे निसार कर गया,
अपनी क़ुर्बानी से आज़ादी हमारे नाम कर गया।
जो हमें अता हुआ, फ़र्दा की अमानत बन जाए,
हमसे गुज़रा हर कल और ख़ूबसूरत बन जाए,
अपनी मंज़िल की ख़ातिर किसी का हक़ न छीनना।,
आबाद रहना, मगर इख़्लास-ए-दिल न खो देना।
Bin maange saleekha bakhsha, Bakhubi sanwara tarasha,
Kayi azim lamhe kharch kiye,Is qadar insan banane mein,
Dastoor-e-ilm roshan kiya, Zindagi gulshan banane mein,
Hidaayat aapki be-hisab, Ehsan-o-karam be-shumaar hai..
Jo humein is qaabil banaya, Is maqaam pe laake tehraya,
Wo sirf-o-sirf aapse mili seekh,Aapka funkar-e-hunar tha,
Aaj meri ye raunaq, Aap hi ke waqt-o-mehnat ka asar hai,
Aapne farz nibhaaya,Magar shukr-e-qaraz abhi baaqi hai..
Jo kuch mila hai, Woh sirf ilm nahi, Jeene ka dastoor tha,
Seekha hua har dars, Aaj bhi dil mein taaza-ba-taaza hai,
Arzi hai khuda se, Ye ehsas yunhi umar-bhar qayam rahe,
Jo kuch bhi hun aaj, Usmein apka barabar hissa baqi hai !
