Kashmakash ki zindagi !

 

Thak chukaa hun,Teri kash-ma-kash mein aye zindagi,

Barson ki jad-o-jehad, Laakhon koshishon ke baad bhi,

Na sahise tujhko samajh paya hun,Naa mere zamir ko,

Ya khudayi kismat anokni hai,Ya meri zid bematlab hai !

Zindgai Musalsal Chuski !

Zindgai musalsal chuski, Chand lutf-e-pyalon ki,

Keemat to tai hai yahan,Tamam peene walon ki..

         Piyo jaam-e-khushi, Yaa ghum bhare ansuon ki,

         Bhale bharlo jitne peepe,Jis kisi bhi munasib ki,

         Hisaab baraabar yahan,  Har musaafir-o-saaki ki..

                Jab tai ho makam muqarrar, Maghroor-e-ulfat ki,

                Phir kaisi befizool si hasrat, Is jigar-e-naadan ki,

                Ye sajawtein ranginiyan, Mehfile dil-e-nadan ki !

Katra-katra khushk ghum bhare aansu !

Halaq se utarte hain dariya-e-dil mein, Katra-katra khushk ghum bhare aansu,

Aksar chupaye rakhta hun jinhein, Andheron mein kabhi geeli baarishon mein,

Rafta-rafta phir chubhti hai nazar,Lachak machak kar unhi hüsn-e-taaron mein,

Bhale kab kiski simti zindagi, Behisaab se beintehayi makhmali khwabon mein,

Bhale kiski simti ye zindagi,Behisab se beintehayi makhmali khwahishon mein !

Hain jalte samay ki chitaon mein !

Aagaz se palon mein bandhe,Hai le chali sudhbudh zindagi,

Kahan se hum nikle, Kidhar ke ho chale, Jaana kahan hai ?..

Na pal bhar ki raahat, Na saans lene tak ki ab milti fursat ?..

Kaisi ye bewajah si mashaqqat,Kyon ye pal bhar ki harkat ?..

Chal chale hain, Badh chale hain, Jeete jee mit-te chale hain,

Na kal ka ata, Agle pal ka koi pata, Aye kahan, Jana kahan hai ?..

Hasraton se tukdon mein lipte,Hain jalte samay ki chitaon mein !

Pal pal takaaza karta hun !

Aksar umar mein ifzaafe ka, Pal pal takaaza karta hun, 

Ho bas thodisi aur kamaskam, Ik yahi ilteja rakhta hun,

Chupne chehre ki jhurriyan,Muskan khilaye rakhta hun,

Besabar dil-e-nadan se, Sufaid rangti jawani rawani ko,

Palkon bhari aas liye, Mannaton mein odhe rakhta hun !

Bakshish-e-gawahi dega Mahe Ramadan !

Ramadan ka baa-barkat maheena, Rozaa-e-fikar mein alvidaa keh gaya,

Mukammal chand raat ki maujud-e-roshni mein,Eid-e-paigham de gaya,

Bhukh-Pyas-Nigaah-Zuban,Nafs-e-khwahishon se parhez paband rakha,

Guzarte lahmaat ko zikr-e-tazbi mein piroye, Zehen ko mashgool rakha,

Har pal Quran, Tilawat-e-rasool aur Sajde-ibadat se bharpur paak rakha,

Bhale phir naseeb ho naho agla Ramadan..

Yawm-al-Qiyamah hashr mein,Bakshish-e-gawahi dega Mahe Ramadan !

Aab-e-Zamzam si daar-e-suroor !

 

Boond Boond pani ke liye, Tarse re khudayi makhlooq,

Moond Moond roye haye,Pyaase nidhaal yun majboor,

Befizul si gaflat mein, Pal bhar tasalli tak  ho gayi door,

Katre katre pani ki keemat, Jaan gayi ab insaani fitoor,

Ilteja hai rab se...

Halaq bhar utar aaye, Aab-e-Zamzam si daar-e-suroor !