Qurbaani !!

Chahite aulad se zyada, Khuda se juda waasta,
Duniyayi chakachaundh chod, Akhirat se rabta,
Allah SWT ke hukuk par, Rai bhar nahin guman,
Jeene ka zariya banaa, Sirf ikhlaas aur eeman..

Rab ki aur se, Hazrat Ibrahim ka imtehan tha,
Bete hazrat Ismail ki qurbani ka, Farmaan tha,
Deen ke raaste par, Zubhaa karne ka ijaab tha,
Tameel mein siwaye apke, Kaun farmabardar tha..

Apke waqiye ne,Deen-e-jahan ko nek sabak diya,
Mazhab ki raah mein, Lut jaane ka paimaan diya,
Huzoor chale raaste chal, Hashr ki tayyari karlo,
Nek nama-e-a`amalon se, Sawaab ki jholi bharlo..

Pal bhar jashn-e-zindagi, Lamhe bhar ki mehak,
Sawab kamane ke khatir, Daulat shohrat choddo,
Duniya mein rehte, Jannat ki buniyaad banaalo,
Kafan ke liye duaayein, Do gaz zameen batorlo..

Maut aane se pehle-pehle, Aisee tayyari karlo,
Rooh kabz hote waqt, Marne ka koi gham na ho,
Dil ko sukoon-o-raahat ke saath..Labon par,
Lailaha-illallah-muhammadur rasulullah zikr ho..

Odhkar kafan ki mehak, Janaze ulfat ki aan badhe,
Duniya-e-rukhsat ke baad, Mazaar ki shaan badhe !!