స్త్రీ మహిమ అపారం !

 

ఈ ప్రియమైన లోకానికి ఆది అంతం – స్త్రీ రూపం,

నిలువెత్తు సత్యం, నిజ స్వరూపం – స్త్రీ మహారూపం.

అహర్నిశల గుండె చప్పుడు – జీవన స్వరూపం,

సృష్టి సమస్తం నడిపించే – ఆదిశక్తి మహారూపం.

ఇంటికి అందం, ఆధారం – స్నేహ స్వరూపం,

ఇల్లంతా వెలుగు, నీడ – మమతా స్వరూపం.

దీపమై దారిచూపే దివ్య కాంతి – ఆశా రూపం,

స్నేహమై నిలిచే నిత్య శక్తి – ప్రేమ స్వరూపం.

మాతృత్వానికి మధుర ప్రతిరూపం – అమ్మ స్వరూపం,

జాలి, దయ, కరుణల నిలయం – మమతా రూపం.

అమ్మ ఒడిలో అమృత లాలనం – ఆనంద స్వరూపం,

భార్య ప్రేమలో అనంత గాథలు – ఆప్యాయ రూపం.

అక్కగా అండ, చెల్లిగా చిలిపి చైతన్యం – స్నేహ స్వరూపం,

అనుబంధాల ఆభరణం – అపూర్వ సౌందర్య రూపం.

సహనానికి సముద్రం, శక్తికి శిఖరం – ధైర్య స్వరూపం,

త్యాగానికి తారకం, ప్రేమకు పరిమళం – కారుణ్య రూపం.

అడుగడుగునా అడ్డంకులెదురైనా – అజేయ ధైర్య రూపం,

అచంచల సంకల్పంతో ముందుకు సాగే – సంకల్ప శిఖర రూపం.

కన్నీటి బాధలను ఆశల కాంతులుగా మలిచే – అక్షయ సహన రూపం,

కష్టాల గిరులను విజయ గాథలుగా నిలిపే – అపరిమిత శక్తి రూపం.

లోకంలో కలకాలం నిలిచే ఆశ, ప్రేమ, నేస్తం – స్త్రీ రూపం,

అన్నిటికీ ఆధారం, ఆత్మస్వరూపం – స్త్రీ రూపం.

నడిపించే దైవ చైతన్యం, కాపాడే కరుణ – స్త్రీ మహారూపం,

నిలబెట్టే ధైర్యం, నిలిచే మమత – మహిమ అపారం !